کورونا وائرس کے باعث کراچی میں تعلیمی ادارے طویل مدت تک بند رکھنے کی سفارش

Corona virus recommends extension of school holidays in Karachi

کورونا وائرس کے مریضوں میں اضافے کے باعث محکمہ صحت سندھ نے کراچی میں اسکولوں کی تعطیلات میں توسیع کی سفارش کردی۔

کراچی میں وزیر صحت و بہبود آباد ڈاکٹر عذرا فضل پیچوہو کی سربراہی میں اجلاس ہوا جس میں اعلیٰ حکام نے شرکت کی ۔ اجلاس میں متعدد اہم فیصلے کیے گئے۔

اجلاس کے اعلامیے کے مطابق محکمہ صحت نے وزیراعلی سندھ کو کورونا وائرس کے باعث اسکولوں سمیت تعلیمی اداروں کو طویل عرصے کے لئے بند کرنے کی سفارش کردی۔

اجلاس میں فیصلہ کیا گیا کہ محکمہ صحت سندھ کراچی آنے والے تمام مریضوں کی اسکریننگ کے لئے کراچی ایئرپورٹ پر ہیلتھ ڈیسک قائم کرے گا اور اسکریننگ کرے گا۔